Шерзат ісі бойынша тергеу неге созылып кетті?: Тағы 8 қылмыстық іс қозғалды

Ішкі істер министрлігі Талғарда кісі қолынан қайтыс болған Шерзат Полаттың өлімі бойынша қылмыстық істі 2024 жылдың соңына дейін аяқталады деген болатын, бірақ іс әлі де тергелуде оған қоса, тағы да 8 қылмыстық іс қозғалды деп хабарлайды Orda.kz.

Kazinform мәліметінше, Талғарда болған кісі өлімі фактісі бойынша қылмыстық істен бөлек тағы да 8 қылмыстық іс тіркелген.

«Құқық бұзушылық, бұзақылық, қоқан-лоққы көрсету және қылмыс туралы хабарламау фактілері бойынша қосымша 8 қылмыстық іс тіркелді. Іс бойынша 11 адамға қатысты «қамауға алу» түріндегі бұлтартпау шарасы қолданылды. Қазіргі уақытта сотқа дейінгі тергеу жүргізілуде, оның нәтижесінде процестік шешім қабылданады», деп жауап берді ішкі істер министрлігі.

Айта кетейік, 2024 жылдың 4 қазанында Талғарда 16 жастағы Шерзат Полат кісі қолынан қаза тапқан болатын.