«Шерзат ісі» бойынша күдіктілердің туыстары мәлімдеме жасады

Шерзат Болаттың өліміне күдіктілердің туыстары болған оқиғаға қатысты өз нұсқаларымен бөлісіп, жұртшылыққа үндеу тастап, соттың ашық өтуін талап етті, деп хабарлайды Orda.kz kris_p_talgar қоғамдық парақшасына сілтеме жасап.

Туыстары балалары үшін кешірім сұрады. Сонымен бірге олар марқұмның әкесі мен ағасы да жауапқа тартылуы керек екенін, өйткені ағасы көліктен мылтық алып шығып, алдымен жігіттерге қарай оқ атқанын алға тартты.

«Шерзат еш себепсіз біреуінің иегін сындырды. Олар пышақ пен мылтықты өздері бірінші болып шығарды, сондықтан жігіттер көтерілді. Балаларымыз үшін тағы да кешірім сұраймыз. Біздікі дұрыс емес. Бірақ арандатушылық болмаса, бәрі тыныш үйлеріне тарайтын еді», - дейді туыстары. 

Олардың айтуынша, халықты адастырып отыр, балаларының ұйымдасқан қылмыстық топқа еш қатысы жоқ және Шерзатты өлтіруге әдейі бармаған.

«Олар кафеде өздерімен өздері отырған, оларға Дархан телефон соғып, барлығы содан басталған. Сондықтан қазір Қаржаубай (әкесі) үндемейді. Ол Нұрқанатпен арақ ішетін. Дархан да жауапқа тартылсын, өйткені сол бәрін бастаған. Бірақ кей балалар оны танымайды да. Олар ортақ достары үшін барған», - дейді ұсталғандардың туыстарының бірі.

Әйелдер оның әкесі өрт туралы және Хутор туралы әу бастан өтірік айтқанын, енді Хасанды танымайтын болып шыға келгенін айтады.

«Еркек болса, пышақпен шыққаны үшін жауап берсін. Ал Нұрқанат бұған дейін Есік қаласында оқ атқан болатын. Іс жабылды. Қазір жазықсыз жас жігіттер түрмеге қамалып жатыр. Олай болса Қаржаубайды Нұрқанатпен бірге түрмеге отырғызсын. Пайдаланылған патрондарды жерден жинап алған әйелді де жауапқа тартсын. Сот ашық әрі әділ өтсін», – дейді туыстары.