Шерушілер Ноғаев мінген көлікті тоқтатты

Әлеуметтік желіде наразы топтың Маңғыстау облысының әкімі Нұрлан Ноғаевтың өзі мен оны күтіп тұрған көлікті қалай тоқтатқаны түсірілген видео тарап жатыр.

Ноғаев үкіметтік комиссия мүшелерімен кездесіп, әуежайдан Ақтауға қайтып келе жатқан. Шерушілер газдың қымбаттауына байланысты жолды жауып тастаған.

Әкім халыққа шығып, оларды тыңдады. Артынша Ноғаев көлікке мініп, қала жаққа бет алды.

Шерушілер жедел жәрдем көлігінен басқа ешкімді өткізбейтіндерін айтты.