Шенеуніктердің қорқақтығынан президент шешім қабылдауға мәжбүр –Құдайбергенов

Қазақстандық экономист Олжас Құдайбергенов қазақстандық шенеуніктердің маңызды мәселелерде жауапкершілікті өз мойнына алғысы келмейтіні туралы айтты.

Мысал ретінде сарапшы 2022 жылдан бастап зейнетақы жинақтарының жеткілікті шегінің екі есеге жуық ұлғаюы аясында Қазақстанда жақында болған жанжалды келтірді.

Қазақстандықтар бұл жаңалыққа қарсы болды, дегенмен уәкілетті мемлекеттік органдардан толық әрі объективті түсініктеме алған жоқ. Нәтижесінде президент араласып, шекті көтеруді 2022 жылдың сәуіріне дейін шегерді.

– Қазақстандық шенеуніктер түсініктеме беру немесе үндемеу нұсқасы тұрғанда, көбінесе соңғысын таңдайды, бұл жағдайды одан әрі нашарлатады. Шенеуніктер кез келген әрекеттен қорқады. Нәтижесінде бұл әйтеуір аппаратты тоздырып, ең кішкентай сұрақтардың өзі президентке жетіп, өзі шешім қабылдауға мәжбүр болады, - деді экономист Sputnik Қазақстанға берген сұхбатында.