Шенеуніктер Жаңаөзендегі ауыз су мен маман тапшылығын мойындап отыр

Маңғыстау облысы басшылығын дәрігерлер мен ауыз судың тапшылығы алаңдатып отыр.

Жаңаөзенде ауыз су тапшылығы әсіресе жазда қатты сезіледі. Су қажеттілігі тәулігіне 42-45 текше метрді құраса, оның 30 текше метрі ғана беріледі, тапшылық орташа есеппен тәулігіне 10-12 мың текше метрді құрайды.

lada.kz жазғандай, қала тұрғындарын жеке қабылдау кезінде  облыс әкімі Нұрлан Ноғаев мәселені мойындаған. Оның айтуынша, қалада «Кендірлі» демалыс аймағына жақын маңда магистральдық құбыр арқылы қуаттылығы тәулігіне 50 мың текше метр теңіз суын тұщыту қондырғысы салынады.

Әкім 159 мың жаңаөзендік тұрғындар үшін дәрігерлер жетіспеуі мәселесін де мойындады: олардың 77 мыңы Теңге, Қызылсай, Рахат және Кендірлі ауылдарында тұрады. Әкім бұл мәселені шешу үшін еліміздің медициналық жоғары оқу орындарымен келіссөздер жүргізіліп жатқанын жеткізді.

Сондай-ақ, түлектер жәрмеңкесі өткізіліп, білікті де тәжірибелі дәрігерлермен мектеп бітірушілер арасында кәсіптік бағдар беру жұмыстары ұйымдастырылуда.