Шектеу шараларына қарамастан жұлдыздар Royal Tulip-те кеш ұйымдастырды

8 тамызда Black Star Burger Kazakhstan Instagram парақшасында видео пайда болды. Онда Royal Tulip мейрамханасы жанында қазақстандық шоу-бизнес өкілдерінің қатысуымен гамбургердің презентациясы өткенін көруге болады. Жаппай шара демалыс күндері Алматыдағы барлық кәсіпорындар мен ұйымдардың жұмысына тыйым салынғанына қарамастан өтті. Санитарлық-эпидемиологиялық бақылау департаменті карантиндік шектеулердің бұзылғанын растады.

Бұл туралы Orda.kz хабарлады.

Санитарлық-эпидемиологиялық бақылау департаменті басшысының орынбасары Сәдуақас Байғабылов мониторингтік топ заң бұзушылықты анықтағанын, компания өкілдерінен түсініктеме алынғанын айтты. Хаттама жасалды, материалдар Медеу ауданының санитарлық-эпидемиологиялық бақылау бөліміне беріледі.

– Бұл факті бойынша әкімшілік іс қозғалады және материалдар негізінде әкімшілік жауапкершілікке тарту қарастырылады. Егер заңды тұлға болса, онда айыппұл 230 АЕК (670 910 теңге), егер жеке тұлға 30 АЕК (87 510 теңге) айыппұл салынады, - деді Байғабұлов Orda.kz сайтына.

Black Star Burger Kazakhstan жариялаған видеодан қазақстандық шоу -бизнес өкілдері: режиссер Ақан Сатаев, продюсер Жан Мұқанов, әнші Луина, Лидия Досалина, Тамара Асар мен Айдана Меденова, продюсер Әлішер Нұржанов, вайнерлер Мейіржан Төребаев пен Дана Есееваны көруге болады.

Сондай-ақ, кадрға актер Санжар Мәди, X Factor продюсері Ләззат Биғали, «Қазақконцерт» ГКО шығармашылық қызметінің жетекшісі Әсел Керім түсіп қалған. Іс-шараға орындаушылар Айбек Жансейітов (Беркут ретінде белгілі) пен Айша, сонымен қатар жүргізушілер мен шоумендер Мұхамед Жанов пен Кирилл Мейстер және басқа да танымал адамдар қатыстқан.

Orda.kz редакциясы тыйым салынған шараға қатысушыларға заңда қандай жаза қарастырылғанын сұрағанда, Сәдуақас Байғабылов: «заңсыз шараға қатысқаны үшін 30 АЕК көлемінде айыппұл қарастырылған» деп жауап берді.

Алматыдағы эпидемиологиялық жағдайдың нашарлауына байланысты карантиндік шектеулер күшейтілді. Сенбі мен жексенбі күндері 2-16 тамыз аралығында Ashyq мүшелері болғанынына қарамастан кәсіпорындар мен ұйымдардың жұмысына тыйым салынады.