Шекарашылар елден 80 тонна бензиннің ұрлануына жол бермеді

Тыйым салынған жүк үгінділер салынған қаптармен қоршалған.

Шекараның қазақ-қырғыз учаскесінде, Жамбыл облысындағы «Қарасу» автомобиль өткізу бекетінде шекарашылар Қазақстаннан 80 тонна АИ-92 бензинін әкетуге тосқауыл қойылды, деп хабарлайды Қазақстан Республикасы Ұлттық қауіпсіздік комитетінің баспасөз қызметі.

Ұйымдастырушылар заңсыз әкету үшін жанар-жағармай құйылған контейнерлерді екі жүк көлігіне «цемент қаптары» арасына тығып, цистерналар үгінділер салынған қаптармен жабылған, жөнелтпе құжаттары бойынша жүк «жинақ» деп тіркелген.

Ұсталған жанар-жағармай Жамбыл облысы бойынша Мемлекеттік кірістер департаментінің бөлімшесіне берілді.

Шекара қызметі Қазақстан Республикасы аумағынан автомобиль көлігімен бензинді, дизельдік отын мен мұнай өнімдерінің жекелеген түрлерін шығаруға тыйым салынғанын еске салады.