Шекарадан 4 шақырым жердегі ресейлік отбасын қырып кеткен

22 қаңтар күні Қазақстан шекарасынан 4 шақырым жерде 36 жастағы үй шаруасындағы әйел Александра Игнатенконың, оның серіктесі 38 жастағы Роман Бережныйдың және олардың 10 жасар мүгедек қызының мәйіттері табылды.

Известия басылымының мәліметіне сәйкес, Омбы облысының Юрьевка ауылы Солтүстік Қазақстанмен шекарадан 4 шақырым жерде орналасқан.

Сағат 1.20 шамасында белгісіз біреулер үйге кіріп, ерлі-зайыптылар мен церебральды сал ауруына шалдыққан қызға бірнеше рет пышақ жарақатын салғаны хабарланған. Осы кезде тағы екі бала – 14 жастағы қыз бен оның алты жасар інісі көршілеріне қашып кеткен. Тірі қалған балалар үй ашық екенін айтқан.

Қазір жәбірленушілердің 14 жастағы қызы мен оның жігіті қамауға алынды. «Известия» басылымының хабарлауынша, қыз жауап алу кезінде өгей әкесінің зорлағанын мойындаған.

Жасөспірім жігіті Александр С.-ға зорлық-зомбылық көрсеткені туралы шағымданып, ақыры онымен келісімге келіп, анасы мен өгей әкесін өлтіруге келіскен. Бойжеткен түнде үйдің есігін әдейі ашық қалдырған, ал Александр сол жерге пышақпен кірген.

Қаскүнем алғашында қыздың анасын көріп, оны бірден өлтірген. Алдын ала болжам бойынша, қыздың өгей әкесі ұйықтап жатқан сәтінде өлтірілген.