«Шегіртке немесе елдің тұрақтылығын бұзу»: Министрлік журналист Кирилл Павловты сотқа берді

Астанада ауыл шаруашылығы министрлігі журналист, сарапшы, «Қазақша чуваш» Telegram-арнасының авторы Кирилл Павловқа қарсы әкімшілік талап-арыз түсірген еді. Бүгін осы іс бойынша сот процесі басталды, деп хабарлайды Orda.kz.

Ведомство блогерді әлеуметтік желілерде жалған ақпарат таратты деп айыптап отыр. Атап айтқанда, министрлік Павловтың шегірткеге қатысты жазбасына наразылық білдірді. Онда журналист фермерлердің алқаптарын шегіртке басып жатқаны және мемлекет тарапынан қолданылып жатқан күрес шараларын сынға алған болатын.

«АШМ-нің 2024 жылғы шілде айындағы есептері бойынша, шегірткеге қарсы шара жасалып, 96 мың гектар жер тазартылған. Бұл сандар әдемі көрінеді. Бірақ өңірде жәндіктің таралу аумағы бес миллион гектардан асады. Яғни, бар болғаны екі пайыздай жер өңделіп, бұған үлкен жетістік ретінде есеп берілген» деп жазды Павлов.

Министрлік бұл жазбаны шындыққа жанаспайды деп санайды және оның ведомствоның беделіне нұқсан келтіргенін айтады. Сотта министрлік өкілі Кирилл Павлов Telegram-арнасындағы жазбаларына ақпаратты қайдан алатынын анықтауға тырысты. Адвокат Венера Тапаева блогерді белсенді түрде сұрақтың астына алып, «ол агроөнеркәсіптік инфрақұрылым саласында аккредиттелген маман ба?» деген мәселені көтерді.

Сонымен қатар, заңгер Кирилл Павловтың АҚШ-пен ынтымақтаса жұмыс істейтінін атап өтті.

«Сіз Қазақстанның мәселелерін Америка деңгейінде шешіп жатқаныңызды үкіметке хабарлайсыз ба? Бұл – не ақпараттың сыртқа тарауы, не елдегі тұрақтылықты бұзу», — деп сотта наразылық білдірді Тапаева.

Судья Тапаеваны бөліп, бұл сұрақты күн тәртібінен алып тастады. Сот отырысы бүгін, 5 маусымда қайта жалғасады.