Шегіртке – халал жәндік – вице-премьер Жұманғарин

 Премьер-министрдің орынбасары Серік Жұманғарин шегірткені халал деп санайды.

Бұл туралы вице-премьер Серік Жұманғарин мәжілісте өткен брифингте айтты.

Оның айтуынша, қазір Қазақстанда 2,5 миллионға жуық шегіртке бар. Ол кейбір елдердің бұл жәндіктерді аулап, одан ақуыз жасап, тағам дайындайтынын атап өтті.

«Даладағы бұл жәндіктер динозаврлармен немесе мамонттармен бір жаста болғаны анық. Негізі бұл жәндік халал»,-  деді Серік Жұманғарин.

Вице-премьер былтыр оны тиімді улау мүмкін болған сәтті жіберіп алғанын мойындады.

«Ұшатын шегірткелер қауіпті емес. Қазір Еуропа мен Америкада ешкім ұшатын шегірткелермен айналыспайды, тек біз ғана күресудеміз»,- деді ол.