Шавкат Рахмоновтың америкалық жанкүйері Лаура Санко қазақ тілін үйреніп жүр

Бойжеткен 2024 жылғы UFS турниріндегі ең маңызды үш оқиғаның бірі ретінде қазақстандық боксшымен қол алысуын атады, деп хабарлайды Orda.kz оның Schrödinger Sports арнасына берген сұхбатына сілтеме жасап.

Лаура Санко неліктен Шавкат Рахмоновтың соңынан ергенді ұнататынын айтып, романтикалық аураға қарамастан, бұл тек спорттық қызығушылық екенін ескертті.

Жанкүйер оның үйленгенін және спортшының отбасылық жағдайы туралы біледі.

«Мен оның мәдениетімен онша таныс емеспін, ол ағылшын тілін білмейді. Ол әдетте аз сөйлейтін адам және бұл белгілі бір құпиялық сезім тудырады. Ал өз мансабын жаңа бастаған кезеңдерде де жекпе-жектерін 100% жеңіспен аяқтап, белгілі бір аура тудырды. Сондықтан мен Шавкаттың жауынгер ретіндегі аурасы туралы айттым. Мен сіз кездестіретін ең үлкен UFC жанкүйерлерінің бірімін», - деп түсіндірді Лаура Санко. 

Бойжеткен қазақ стиліндегі идеясының қалай пайда болғанын айтып, сонымен бірге Қазақстанға жоспарлаған сапары туралы қауесетті жоққа шығарды.

Ол сондай-ақ Шавкат Рахмоновтың елімен сырттай таныс екенін және ғаламтор арқылы өз бетінше қазақ тілін үйреніп жүргенін айтты.

«Видеоны көрсеңіз, күлетін едіңіз. Мен қонақ үйдегі бөлмемде отырмын, YouTube қарап жатырмын, паузаны басып, қайталауға тырысамын. Жақсы жұмыс істеп жатырмын деп ойлай салысымен Саятқа аудио файлды жіберіп, бағалауын өтінемін. Сосын мен одан сөздерімді қазақшаға аударуды сұраймын. Ол маған жібереді, мен оның файлын қайта-қайта өте баяу тыңдап, қайталаймын», - дейді жанкүйер.

Қазақ тілінің дыбысталуының өзі қызға қызық әрі  қиын болып шыққан. 

«Мен бірнеше сөз үйрендім. Бұл, әрине, көп емес. Мен мұны YouTube арқылы үйрендім. Қарапайым диалогқа дайын болғым келді, бірақ мен оған әлі жеткен жоқпын. Бұл мен үшін өте қиын тіл болып шықты. Қазақ тілі көмейді түгел қамтиды екен, ал ағылшын тілі көбіне тіл ұшында айтылады», - деп түсіндірді Лаура.

Желтоқсан айының басында Шавкат Рахмонов ирландиялық файтер Ян Гарриді жекпе-жегі болды.

Бұл жеңіліп көрмеген қазақстандық боксшы Шавкат Рахмоновтың ММА-дағы 19-шы, 7:0 есебімен UFC-дегі  жеңісі еді.

Жартылай орта салмақтағы уақытша белбеу Рахмонов пен Мачадо Гарри арасындағы жекпе-жекте ойнатылмады. Жеңімпаз 2025 жылы титул иегері Белал Мұхаммадпен кездеседі деп жоспарланған. Бұған дейін америка-палестиналық спортшы инфекциясы мен операциясына байланысты чемпионатта  Рахмоновқа қарсы кездесуден бас тартқан болатын.