Шәріп Серік өзін Бишімбаевпен қатар қойған бейнежазбаның авторына арыз жазды

Актер полицияға жасанды зердемен Қуандық Бишімбаевтың Шәріп Серікті «жұбататынын» көрсеткен цифрлық контент авторына қарсы арыз түсірді. Бұл туралы Instagram желісінде бейнежазбаның авторы хабарлады. Сондай-ақ мұны Шәріп Серік те блогер Әлішер Елікбаевқа берген сұхбатында растады, деп хабарлайды Orda.kz.

Серік бұл бейнежазба оның көңіліне ауыр тигенін айтты. 

«Мен бұл бейнежазба таралған соң, жала жабу және қорлау фактілері бойынша киберполицияға арыз жаздым», — деді ол сұхбатында.

Ал бейнежазбаны жасаған автор өз жұмысының «зорлық-зомбылыққа қарсы азаматтық ұстанымды шығармашылық тұрғыдан жеткізу» екенін және оның «Қазақстанда зорлық-зомбылыққа жол жоқ» деген атаумен жарияланғанын түсіндірді.

«Мен кез келген зорлық-зомбылықты, шапалақ салудан бастап ауыр қылмысқа дейінгі зорлықты айыптаймын. Зорлық-зомбылық қоғамдағы қадірді, ар-ожданды және негізгі құндылықтарды бұзады» деп жазды ол әлеуметтік желіде. 

Сондай-ақ бейнежазбаның мақсаты — қазіргі қоғамда агрессияға жол берілмейтінін еске салу екенін атап өтті.

Еске сала кетсек, сүйіктісін ұрып-соққан актер Шәріп Серік 4 сәуір күні қамауға алынған еді.