Шардарада шабақтар қырылып қалды

Түркістан облысы Шардара су қоймасындағы жас балықтардың қырылуын Экология министрлігі тексеріп жатыр.

5 сәуірде Шардара су қоймасы жағасында инспекторлар әзірге белгісіз себептермен салмағы 50-60 грамм болатын жаппай қырылып қалған шабақтарды тапты. Экологтар өлген балықтардың қабыршақтары айтарлықтай зақымданғанын айтады.

 «Балықтардың көпшілігі мөңке, тұқы түрлеріне жатады. Балық инспекторлары орташа салмағы 50-60 грамм болатын төрт келі өлі шабақтарды жинауды және жоюды ұйымдастырды. Шардара қаласының ветеринарлық қызметі зертханалық зерттеу үшін шабақтардан сынама алу жұмыстарын жүргізді. Төрт келіге жуық жас сазан, мөңке мен тұқы балықтары алынды. Қырылудың  себептері анықталуды»  деп хабарлады Экология министрлігі.