Шалқарда 9-сынып оқушысын пышақтап тастады

Ақтөбе облысының Шалқар қаласында екі жасөспірімнің арасындағы жанжал пышақ жарақатымен аяқталды, деп хабарлайды Orda.kz.

Оқиға 26 қазан күні болған. Екі оқушы әртүрлі мектепте оқиды, бір ауданда тұрады.

Жарақат алған 9-сынып оқушысы алдымен Шалқар аудандық ауруханасына жеткізілді. Кейін жағдайына байланысты Ақтөбедегі облыстық балалар ауруханасына ауыстырылды. Дәрігерлер оның жағдайын тұрақты деп бағалады.

Полиция сотқа дейінгі тергеуді бастады. Күдікті — 2011 жылы туған 10-сынып оқушысы. Ол ұсталып, полиция бөлімшесіне жеткізілді.

Құқық қорғау органдары мен облыстық білім басқармасы жасөспірімдер арасындағы жанжалдың алдын алу шараларын күшейтіп жатқанын хабарлады.

Бұған дейін Шалқар ауданының Қопа ауылында мектептегі буллингтен кейін 9-сынып оқушысы қайтыс болған. Ол іс бойынша жоғары сыныпта оқитын үш оқушы 6 жылға бас бостандығынан айырылған еді.

Автор: Ардақ Ерубаева