Шалбарын шешуге мәжбүрледі: Дикий Арманның адвокаты қорлық туралы шағымданды

Дикий Арман атанған қылмыс серкесі Арман Жұмагелдиев қамауда отырған Қостанай қаласындағы No76 тергеу изоляторында адвокаттардың құқығы бұзылуда, деп хабарлайды Orda.kz.

Бұл туралы оның қорғаушысы Виктор Кривоносов мәлімдеді. Оның айтуынша, клиентіне барған кезде адвокаттың өзін шалбар шешуге мәжбүрлеген. Адвокат мұны өз құқықтарын өрескел бұзу және қадір-қасиетін қорлау деп санайды.

«Мен бүкіл заңгерлік тәжірибемде алғаш рет тергеу изоляторына шалбарсыз кірдім. Кеше маған шалбарымды шешіп беруді бұйырды. Бұл масқара! Мен бұл қорлайтын рәсімнен аулақ болу үшін шалбардың ішінен іш жылылық киіп келуге мәжбүр болдым, бірақ нәтижесінде одан да қатаң тінтуге ұшырадым. Адвокаттарға осылай қарайтын болса, тұтқындарға қалай қарайды?» – деп таң қалды Кривоносов жарияланған видеода.

Бұл жағдайға адвокат Талғат Есімов те түсініктеме беріп, әріптесін қолдап, тергеу изоляторы қызметкерлерінің әрекетін айыптады. Оның айтуынша, адвокаттар шалбарын шешу талабынан бөлек, ҚАЖК пен адвокаттар алқасы арасындағы меморандумға қарамастан, механикалық сағаттарын да шешуге мәжбүр.

Қостанай облысы бойынша Қылмыстық атқару жүйесі департаменті тінту жүргізілгенін растады. Бұл «тыйым салынған заттарды алып жүруге жол бермеудің стандартты процедурасы» деп түсіндірлі олар

«Адвокаттардың бірін тінту кезінде металл іздегіш дыбыс берді, содан кейін оны толық тінту ұсынылды», деп жазылған ведомство хабарламасында.

Еске салайық, Арман Жұмагелдиев, полковник Руслан Ысқақов және бұрынғы мәслихат депутаты Қайрат Құдайбергенов 2022 жылғы қаңтардағы жаппай тәртіпсіздікке қатысқаны үшін сотталды. Олар жаппай тәртіпсіздік ұйымдастырды, заңсыз бас бостандығынан айырды, ұрлық жасады және қаруды заңсыз сақтады деп танылды. Сот үкімі 2025 жылдың 27 қаңтарында шықты. Бұл іске 40-тан астам адам қатысты.