«Шал, кет!» деп ұрандатқан Ермек Нарымбай бостандыққа шығады

Бүгін Қонаев қалалық соты қамаудағы Ермек Нарымбайдың жазасын жеңілдету туралы өтінішін қанағаттандырды.

«Мерзімінен бұрын босап, 11 айға жуық пробациялық бақылауда болатын болды. Біз айыппұл төлеп шығаруды сұрадық. Бірақ прокурор пробациялық бақылау қажет екенін айтты. Судья прокурормен келісіп, қатаң шектеумен шығаруға келісті. Баспасөз маслихаты, митинг пен шеру сияқты қоғамдық істерге қатысуға тыйым салды»,- деп хабарлады адвокат Жанар Балғабаева Азаттық тілшісіне.

Айта кетейік, қоғам белсендісі Ермек Нарымбай қаңтар оқиғасынан кейін елге оралып, қамауға алынды.

Еске салайық, ол Ермек Нарымбай 2010 жылы Нұрсұлтан Назарбаевтың отставкаға кетуін талап еткен жиында «Назарбаев, кет!» деп ұрандатты. Сол жиыннан кейін белсенді 4 жылға қамалды. 2012 жылы рақымшылыққа ілініп, босап шықты.