Шахтада көз жұмған кеншінің әкесі қайғылы оқиғаға ашуын білдірді
Қаза тапқан шахтерлердің бірінің әкесі Анатолий Корниенко Абай кенішіндегі қайғылы оқиға туралы айтты.
КТК телеарнасының хабарлауынша, 51 жастағы марқұм Сергей Корниенко Абай кенішінде 30 жылға жуық жұмыс істеген. Өкінішке қарай, оған және қасындағы бес әріптесіне 7 қарашадағы ауысым соңғысы болып отыр. Әкесі Анатолий Корниенко ұлы жұмыс істеген шахтадағы жағдай туралы айтты.
«Салақтық! Жалпы, оларды – кеншілерді адам құрлы көрмейді. Ештеңе жаңартылмайды. Жаңарту жұмыстары жүргізілмейді. Ақшаларын аяйды. Газсыздандыру жұмыстарын жүргізіп, ұңғымаларды бұрғылап, газ тарту керек шығар. Ақшасын үнемдейді. Жұмысшылар өлсе, өле берсін», - деді ол.
Айта кетсек, бұған дейін ҚР Төтенше жағдайлар министрі Юрий Ильин қаза тапқандардың отбасыларына 10 жылдық жалақы төленетінін айтқан.
«Балам жоқ болса, бұл көмектің қажеті қанша? Баламның орнын баса ма? Ол ішпейтін, көрінген жерде жүрмейтін. Тек арасында балық аулауға барып тұратын», - деді Анатолий Корниенко.
Әзірге зардап шеккендердің қамқорлығында болған балалар мен жақындары туралы ақпарат айтылмады.
«Біз ұжымдық шарттың талаптарымен шектелмейміз. Барлық қажетті көмек, яғни несиені қайтару, жерлеуге қатысты басқа да мәселелердің барлығын реттеп береміз. Кәсіпорын ұжымдық шарттан тыс та жағдай жасап беруге дайын», - деді «АрселорМиттал Теміртау» АҚ атқарушы директоры Әлішер Әбенов.
Қайғылы оқиға орнында газсыздандыру және ауаны сору жұмыстары аяқталып, республикалық комиссия тексеруге кірісті. Төтенше жағдайдан кейін өңірдегі басқа кәсіпорындарда да жұмыс тоқтап, жоспардан тыс тексерулер басталды.
Еске салсақ, 7 қарашада «АрселорМиттал Теміртау» АҚ ӨД «Абай» шахтасында желдеткіштің түбінен метан бөлінді. Алты жұмысшы қаза тауып, тағы екеуі ауруханаға жеткізілді. Облыс әкімдігі қаза тапқандар мен зардап шеккен кеншілердің есімдерін жариялады. Аталған факті бойынша ҚР Қылмыстық кодексінің 277-бабының 3-бөлігі бойынша сотқа дейінгі тергеу амалдары басталды.
Жаңалықтар
- Новороссийскіге ұшқышсыз шабуыл: Қазақстан мұнайының экспортына қауіп төніп тұр ма?
- БҚО-да түлектердің ақшасына жасалған ұстазға арналған ескерткіш бұзылды
- Антикор Ауыл шаруашылығы министрлігіндегі пара алу ісі бойынша тергеуді аяқтады
- Алматыда жаңа саябақ пайда болады
- Бүгін Қасым-Жомарт Тоқаевтың туған күні
- Ұлттық экономика вице-министрі қызметінен кетті
- Ералы Тоғжанов премьер-министрдің кеңесшісі болып тағайындалды
- Алматы мен Алматы облысында өзен тасуы мүмкін
- Семейде бір ай бұрын жоғалып кеткен қыздың денесі табылды
- TikTok жұлдызы Мұрат Әбділданың мерзімінен бұрын босату туралы өтініші қаралды
- Мемлекет басшысы биліктегі біршама тұлғаларды орнынан босатып, біразын тағайындады
- Үйі жоқ халықты коммуналдық төлемдерден босату қаншалық орынды?
- Футбол добының орнына кірпі: Ақтөбеде жігіттерге қатысты қылмыстық іс қозғалды
- «Самұрық-Қазына» өзінің еншілес ұйымына екі ірі су электр стансасын берді
- Мемлекет басшысы Малайзия Премьер-министрі Ануар Ибрагиммен кездесті
- Дұғалар, прокуратура, облыс әкімі және Атыраудан жүк көлігі: Құлсарыдағы митинг жалғасып жатыр
- Оралдағы су басқан саяжай тұрғындары тағы да әкімдікке жиналды
- Енді үйдегі интернетті телефон арқылы қосуға болады
- Тоқаевтың Жарлығымен Нұрлан Асқарұлы Ноғаев Маңғыстау облысының әкімі лауазымынан босатылды
- Татарстанда қазақ тілі оқытылатын болады