Шахматшылар жетім балалар сияқты - Асаубаева Тоқаевқа

Шахматтан әлем чемпионы Бибісара Асаубаева Instagram парақшасында президент Қасым-Жомарт Тоқаевпен кездесуден алған әсерімен бөлісті. Бір күн бұрын мемлекет басшысы «шахмат ханшайымын» қабылдап, кездесуде ол бір өтініш білдірген.

Шахматшының айтуынша, президентпен бейресми кездесуде олар тек шахматтан басқа да дүниелер туралы сөйлескен.

«Үлкен саясаттан келген адамның шахмат пен шахмат тарихын көп білетініне таң қалдым. Ол Анатолий Карпов жеңіске жеткен 1978 жылы Багиода өткен әлем чемпионатында болған екен. Біз балалар туралы, спортты дамыту, және басқа да көптеген нәрселер туралы сөйлестік» деп бөлісті 17 жастағы чемпион.

Кездесу соңында Бибісара Тоқаев одан президенттен қандай сыйлық алғысы келетінін сұрағанын айтты.

«Ал мен оған бір арманымды айттым. Менің арманым осы. Президент спортшыларымызды жазғы және қысқы олимпиадаларға үнемі шығарып салады, оларға ақ жол тілейді. Шахматшыларды шахмат олимпиадасына ешкім шығарып салған емес, ылғи жетім балалардай – тыныш қана барып, қайтамыз. Мен осы әділетсіз дәстүрді өзгертіп, шахматтан әйелдер мен ерлер құрамаларына жаңа серпін беруді өтіндім» деп жазды Бибісара.

Оның айтуынша, мемлекет басшысы шахматшыларды назарынан тыс қалдырмауға уәде берді.

Еске салсақ, қазақстандық шахматшы 20 жасқа дейінгі қыздар арасында рапид және блиц бойынша FIDE әлемдік рейтингінде бірінші болды.