Үш жасар екі баланың мәйіті арықтан табылды

Шығыс Қазақстан облысы Елтай ауылында үш жасар екі бала жоғалып кеткен. Жақындары бүлдіршіндерді дереу іздеуге кіріскен. Бірақ, өкінішке орай, олар үлгермей қалған.

Бұл туралы Orda.kz хабарлады.

Балалардың денесі үй жанындағы арықтан табылған, деп мәлімдеді облыстық полиция департаментінің баспасөз қызметі.

Қайғылы оқиға 17 мамырда түстен кейін орын алған.

– Шағым түскен сәттен бастап учаскелік полиция қызметкерлері жедел-іздестіру шараларын жүргізді. Оған жергілікті тұрғындар мен құтқарушылар да қатысты. Балалардың денесі үйден 350 метр қашықтағы бақша дақылдарын суаруға арналған арықтан табылды, – деді полицияда.

Сотқа дейінгі тергеу басталды. Сот-медициналық сараптама тағайындалды. Сараптама қорытындысы бойынша процессуалдық шешім қабылданады.