Үш жасар баланың өліміне себепші болған кәсіпкердің кінәсі дәлелденбеді

Бүгін Жамбыл облыстық апелляциялық сот қарауына түскен «Хадиша апа» жеке кәсіпкерлігінің басшысы Еламан Пернешевтің ісін Жуалы ауданы соты шешімін өзгеріссіз қалдырды.

Не болды?

Жамбыл облысы, Жуалы ауданы Бауыржан Момышұлы ауылының үш жасар тұрғыны Альтаир Ахиятұлы электр сымдарынан тоқ ұрып қайтыс болды.

2020 жылы Жамбыл облысы, Жуалы ауданы Бауыржан Момышұлы ауылының көшелерінің жарықтандыру жұмыстарына «Хадиша апа» жеке кәсіпкерлігімен әкімдік келісімшартқа тұрған болатын. Кәсіпкердің міндетіне көше жарық бағаналары мен электр шамдарының жұмыс істеп тұруын қадағалап, тапсырыс берушінің қойылған міндеттерін орындау жататын.

Бірақ, 2020 жылдың тамыз айының 30 күні «Жастар» көшесінде кешкі уақытқа балалармен ойнап жүрген кішкентай Альтаир Ахиятұлын жарық сымдарынан ұрған тоқтан жан тапсырды.

Баланың қаза болуына байланысты аудандық полиция бөлімі қылмыстық іс ашып, «Хадиша апа» жеке кәсіпкерлігінің басшысы Еламан Пернешевті күдікті ретінде танып, сотқа айыпталушы ретінде тартылды.

Сот үкімі

Еламан Пернешевті ҚР Қылмыстық кодексі 104-бабының 1-бөлігі (Абайсызда қазаға ұшырату) айыпталып, сот үкімі шықты. Жуалы аудандық сотының судьясы Жамалбекұлы Байжан Альтаир Ахиятұлы өліміне қатысты Еламан Пернешевті ақтау үкімін шығарды. Сот Жуалы ауданы әкіміне мұндай жағдайларды қайталанбас үшін, Жамбыл облысы полициясына тергеу амалдарының жан жақты дұрыс жүргізілуіне жекеше қаулы шығарды.