Үш студенттің аналары «жазықсыз ұлдарын» босатуды талап етеді
Алматылық 19-20 жастағы студенттер – Дастанбек Жайылғанов, Азамат Амангелдиев, Азат Ували жайлы туыстары қаңтар оқиғасына қатысты жазықсыз жауапқа тартылып жатқанын айтады.
Туыстарының айтуынша, бір-бірімен дос үш жігіт 5 қаңтарда жұмыстан қайтарда жолда әлдебір қарулы топтың мәжбүрлеуімен қолына қару алуға тура келген. «Күш көрсетіп, алаңға қару апаруға итермелеген». Полиция қазір үш студентке Қылмыстық кодекстің 272-бабы 2-бөлігімен іс қозғалған. Аналар халықаралық құқық қорғаушылардан араша сұрайды. «Балаларымыздың болашағына балта шаппауды» талап еткен аналар тергеу кезінде азаптау арқылы «жасамағанын күштеп мойнына алғызды» дейді. Бозбаланың үшеуі де оқуда үздік үлгеріммен көзге түскені, грантта оқитыны айтылады. Бұрын-соңды істі болмаған.
– Үшеуі де азапталған. Азаматтың басынан өлімші етіп тепкілеген, элетрошокпен тоқ ұрғызған, есін жиғызу үшін үстінен су құйған. Алғаш ұсталған 18 қаңтардан бастап екі күн ұрып-соққан. Дастанбектің ерні жыртылған. Азаттың денесін көгерткен. Онлайн платформада оператор-менеджер болып істейтін. Содан қайтып келе жатқан күні жолда қарулы арандатушы топ күш көрсетіп, қолына қару-жарақ ұстатып, алаңға баруға итермелеген. Біз жазықсыз ұлдарымызды үйқамаққа ауыстыруды емес, түбегейлі ақтап босатуын талап етеміз, – дейді Самал Алипбаева редакция тілшісіне.
«Жазықсыз зорлық-зомбылықтың құрбаны болып отыр» делінген үш жігіт Алматыдағы СИ-18 (ресми атауы – ЛА-155/18) түзеу мекемесіне қамауда отыр.
Үш жастың ісі жөнінде Алматы прокуратурасы редакцияға ресми ақпарат жолдады. Азаптауға қатысты тергеу енді басталды, яғни осыған дейін алынған көрсетпелердің рас-өтірігі толық анықталмады. Осыған қарамастан прокуратураның неліктен кінәсіздік презумпциясын ысырып, күдіктілердің кінәсі дәлелденгеніне сенімді түрде пікір білдіргені белгісіз.
«Үш азамат қаңтар күндері болған жаппай тәртіпсіздіктерге қатысты деген күдікке ілінген. Олар алдымен қару-жарақ дүкенін тонап, сосын Lexus көлігімен қару таратқан. Дәлелдер жеткілікті. Олар өз кінәларын мойындады. Қазіргі уақытта олардың жаппай тәртіпсіздіктер кезінде басқа да қылмыстарды жасап-жасамағаны тексеріліп жатыр. Олардың әрекетін түпкілікті түрде сот бағалайды.
Сыбайлас жемқорлыққа қарсы қызмет агенттігі тергеудің заңсыз әдістерін қолдану туралы ұсталғандардың бірінің өтініші бойынша тергеу жүргізіп жатыр» делінген орган хабарламасында.
Жаңалықтар
- Шымкентте ірі есірткі зертханасы анықталды
- 2025 жылдың 1 қаңтарында кімдердің зейнетақысы өседі?
- Қарағанды облысында 7 мыңнан астам сайттар бұғатталды
- «87 мың теңге»: Қазақстандықтар Республика күніне орай біржолғы төлемдер алады
- P. Diddy-дің балалары сот алдында әкесін қорғады
- Шымкентте ұрылар үй иесінің көзінше қылмыс жасады
- «Қаза болғандар бар»: Өлімге әкелетін улы бактериялар тарап жатыр
- Атырауда 23 жастағы бойжеткен қаза болды
- Тәліптердің Алматыға неге қару әкелгенін премьер-министрдің орынбасары айтып берді
- Петропавлда әйелін ұрған ер адам сотталды
- Қазақстанның бірнеше өңірі уақытты екі сағатқа алға жылжытуды ұсынып отыр
- Заңсыз қарумен қоқан-лоққы жасаған депутат ұсталды
- «Әділдік үшін күрес»: Анасы өзін қорғап, ұлын құтқарғаны үшін сегіз жылға сотталды
- ШҚО-дағы ең ұзын көпірге қанша камера орнатылған?
- Шымкентте есепші жымқырған ақшаны мұғалімдер қайтаруға мәжбүр
- Жүздеген қазақстандықтарды кім ақшасыз қалдырды және неге бұл үшін ешкім жазаланбайды
- Ресейдің Қазақстанға шектеу қойғанында тұрған ештеңе жоқ — вице-премьер Серік Жұманғарин
- Қанды Қаңтарда істі болған Тотыбаев Талғар маңындағы жасөспірім өліміне қандай қатысы бар?
- Талғардағы қашып кеткен қылмыскердің өз жиенін зорлағаны белгілі болды
- Қазақстанның астық экспорты 12 млн тоннаға ұлғайды