ШҚО: Темекі ұшқынынан пайда болған өрттен екі адам көз жұмды

ШҚО-ның Глубокое ауданында егде жастағы жұп дүниеден озды. Мәліметке сәйкес, өрт сөндірілмеген темекіден пайда болған. Бұл туралы ШҚО Төтенше жағдайлар департаментінің баспасөз қызметі хабарлады.  

Дүйсенбі күні таңертең Белоусовка елді мекеніндегі Мир көшесінде орналасқан жер үйден өрт шыққаны туралы ақпарат түскен.

Таңғы сағат 6:37-де басталған өрт 70 шаршы метр ауданды қамтыған. Құтқарушылар жалындаған үйден 1948 жылы туған ер адам мен оның өзімен қатарлас әйелінің мәйітін тапты.

Жалпы өртті сөндіруге 9 адам ат салысқан.