ШҚО-да Құлынжы қорығы мен Асубұлақ орман шаруашылығы өртеніп жатыр

Өртке  қорық аумағындағы  қураған ағаштардың  жануы себеп болуы мүмкін.

Шығыс Қазақстан облысындағы Құлынжы мемлекеттік табиғи қорығы аумағында өрт шықты. Облыстық Төтенше жағдайлар департаментінің мәліметінше, қураған  ағаштар өртеніп жатыр.

 «Қатты жел өрттің үлкен аумақтарға тез таралуына ықпал етті. Қазіргі уақытта сөндіру жұмыстары жалғасуда, алдын ала белгілі аумақ 100 га» деп хабарлады ШҚО ТЖД.

Өртті жоюға Шығыс Қазақстан облысы Төтенше жағдайлар департаментінің, жергілікті атқарушы органдардың, орман шаруашылығының күштері – барлығы 50 қызметкер мен 9 техника жұмылдырылды. Бұл аумақты құм төбелері басып жатқандықтан, жақын жерде су жоқ болғандықтан, сөндіруді жұмыстарын қиындатады.

Сонымен қатар, Шығыс Қазақстан облысында Асубұлақ орман шаруашылығы аумағында өлі ағаш өртеніп жатыр.

«Алдын ала белгілі болғандай  аумақ - 50 гектар. Жоюға Шығыс Қазақстан облысы Төтенше жағдайлар департаментінің құтқарушылары, орманшылар мен жергілікті атқарушы органдардың күштері жұмылдырылған. Барлығы 149 қызметкер мен 28 техника. Сондай-ақ , 2 тікұшақ су төгетін жолдар бар. Сөндіру жұмыстарына Өскеменнен қосымша күш тартылды»  деп қорытындылады ШҚО Төтенше жағдайлар департаменті.