ШҚО-да тағы бір полицей әріптесін зорлады деген күдікке ілінді

Шығыс Қазақстан облысында тағы бір полицей әріптесін зорлады деген күдікке ілінді. Бұл жолы оқиға Семейде орын алды.

«Аталған оқиға бір ай бұрын болған, полиция қызметкері жәбірленушімен бұрыннан таныс екен. Сонымен қатар, көрсетілген дәлелдер сотқа дейінгі тергеп-тексеру шеңберінде қайта тексеріледі. Тиісті сараптамалар тағайындалды. Сонымен қатар, қоғам тарапынан жіберілген сын үшін аталған қызметкер 30 қараша күні ішкі істер органдарынан жұмыстан шығарылды» деп хабарлады ШҚО полиция департаментінің баспасөз қызметінде.

Бұған дейін журналист Михаил Козачков өзінің Telegram арнасындағы оқиға туралы хабарлаған болатын. Ол патрульдік полиция қызметкерінің өз автокөлігінде Семей полиция басқармасы ақпараттандыру және байланыс бөлімінің қызметкерін зорлағаны туралы деректерді келтірді. Содан кейін сотқа дейінгі тергеу басталды.

Естеріңізге сала кетейік, 28 қарашада Риддер қаласының УҰИ бастығы Руслан Ақсартов қол астындағы қызметкерін зорлады деген күдікке ілінді. Нәтижесінде өңірдегі құқық қорғау органдарының бірқатар қызметкерлері өз лауазымдарынан айрылды.