ШҚО-да шектеу шаралары кеңейтіледі

Шығыс Қазақстан облысының бас мемлекеттік санитарлық дәрігер міндетін атқарушы қаулыға өзгерістер енгізді. Аймақта шектеу шаралары кеңейтіледі, деп хабарлайды ORDA.kz.

Карантиндік талаптар 2021 жылдың 14-27 ақпан аралығында бүкіл Шығыс Қазақстан облысында жұмыс істейді. Комиссия 100 адамға дейін намазды мешіттерде оқуға, ұжымдық мінәжаттарды орындауға рұқсат берді.

«Шығыс Қазақстан облысының тұрғындары маска режимін сақтауы керек. Маска мұрынды, ауызды және иекті жауып, шеттері бетке тығыз орналасуы керек» делінген хабарламада.

Тұрақты мекен-жайы жоқ адамдар, қоғамдық бейімдеу орталықтарына ПТР әдісімен зертханалық тексеруге жіберіледі.

12 ақпанда Қазақстанда коронавирус жұқтырғандардың саны 200 мың адамнан асты. Шығыс Қазақстан облысында соңғы тәулікте аурудың 64 жаңа жағдайы анықталды.