ШҚО-да шаруалар ауыл шаруашылығы басқармасына басып кірді

Шығыс Қазақстанда шаруалар басқарма басшысын жұмыстан босатуды талап етіп, ауыл шаруашылығы басқармасына барды. Ауыл тұрғындарының айтуынша, олар субсидия алу және саланы дамыту үшін жарты жыл көмек күткен. Бірақ шенеунік бұл мақсатқа мемлекеттік бюджеттен бөлінген 4,5 миллиард теңге қаражатты игере алмаймын деп қорқып, бас тартқан. Бұл туралы «Астана» телеарнасының сюжетінде айтылған.

Биыл облыс диқандары субсидия алуға екі мыңнан астам өтінім берген. Олар мақұлданды. Бірақ жарты жылдан бері адамдар төлемдерін ала алмай жүр. Шенеуніктер сәл күтуді сұрайды. Бірақ көптеген шаруалар несиені мерзімінен кешіктіріп, жұмысшыларын қысқартқан, техника мен мал сатып алуды тоқтатқан.

– Көмектесіңдер! Бұл жанайқай! Міне, қаншама адам келді, - деп ашуланды шаруалардың бірі.

Өз кезегінде Шығыс Қазақстан облысы ауыл шаруашылығы басқармасының басшысы Владимир Гайламазян 4,7 млрд теңге субсидияны «келесі жылға алуға болады және оны оңай беруге болады» деді.

Шенеуніктің бұл пікірімен шаруалар келіспейді. Нәтижесінде департамент субсидиялаудан бас тарту туралы Ауыл шаруашылығы министрлігіне жазған хатын қайтарып алды. Ауыл тұрғындарын әкімдік сендіргендей, субсидия облысқа келетін болды.

– Бұл ақшаны алуға бәріміздің құқығымыз бар. Міндеттемелеріміз бар. Ақшадан бас тарту өте оңай, тек нақты бизнеспен айналыспайтындар ғана осылайша оңай пайымдай алады, біз бюрократияның құрбанына айналмауымыз керек, - деді Фарид Әбітаев.

Облыс әкімінің салаға жауапты орынбасары жыл соңына дейін уәде етілген субсидиялардың барлығын диқандар алатынын айтқан соң, ауыл тұрғындары кешкілік үйлеріне қайтты.