ШҚО-да мемлекетке 1,5 млрд залал келтірген қылмыстық топ сотталды

Өскеменде ұйымдасқан қылмыстық топтың мүшелері Шығыс Қазақстан облысы аумағында нақты жұмыс істемей, қызмет көрсетпей, тауарларды жөнелтпей заңсыз жалған шот-фактуралар жасағаны үшін сотталды, деп хабарлады облыстың экономикалық тергеу басқармасы.

— Қылмыстық топтың ұйымдастырушысы 2017 жылдан 2019 жылға дейін бірқатар жалған кәсіпорын құрып, заңсыз әрекеттермен айналысқан. Фирмаларда қызметкерлердің штаты мен мүлкі болмаған. Номиналды басшылардың ешқайсысы қаржылық-экономикалық қызметпен айналыспаған, олар бухгалтерлік есеп жүргізбей, салық есептілігін ұсынбаған, деді Экономикалық тергеу бөлімі.

Екі жыл ішінде контрагенттер-сатып алушылар кәсіпорындарынан төленбеген салық түрінде мемлекетке келтірілген материалдық залал 1,5 млрд теңге болған.

Сот үкімімен ұйымдасқан қылмыстық топтың мүшелері кінәлі деп танылып, әр түрлі мерзімге 5 жылдан 7 жылға дейін бас бостандығынан айырылды.