ШҚО-да кешелі бері жолда қалған 194 адам құтқарылды

Шығыс Қазақстан облысында 1-2 наурыз күндері жолда қалған 194 адам эвакуацияланды, деп хабарлайды ORDA тілшісі.

ШҚО ТЖД баспасөз қызметінің мәліметінше, 12 тасжолда көлік қозғалысына тыйым салынған. Оның 4-і республикалық, 8-і облыстық маңызы бар жолдар.

20 техника мен жеке құрамнан 50 адам жолда қалғандарға көмек көрсетуде. Нәтижесінде, 1-2 наурыз күндері құтқарушылар 194 адамды, оның ішінде 18 баланы құтқарды.

— Мәселен, «Бородулиха-Жезкент» тасжолында «Тойота Харриер» көлігі қар құрсауында қалған. Оқиға орнына шұғыл жеткен құтқарушылар арнайы техниканың көмегімен көлікті қардан шығарды, делінген хабарламада.

ТЖД тұрғындарға алыс сапарға шықпауға кеңес береді.