ШҚО-да браконьерлерден екі тоннадан астам балық тәркіленді

Заңсыз балық аулағаны үшін 187 адам 2,5 миллион теңгеден астам айыппұл төлеген.

Шығыс Қазақстан облысында полицейлер браконьерлерден 2 тоннаға жуық балық, 2900 метр синтетикалық моножіпті торлар, 32 құқық бұзушылық құралы тәркіледі.

Altaynews хабарлағандай, облыста уылдырық шашу-2022 жедел-профилактикалық іс-шарасы жүргізілуде.

— Операция басталғаннан бері Шығыс Қазақстан облысында балық ресурстарын заңсыз өндіру бойынша 195 құқық бұзушылық анықталды. 187 тұлғаға жалпы сомасы 2,5 миллион теңгеден астам әкімшілік айыппұл салынды, - деді ШҚО бойынша департамент басшысының бірінші орынбасары Елдос Зәкімов.

Оның айтуынша, браконьерлер 10 миллион теңгеден астам шығын келтірген.

Еске сала кетейік, балық аулау нормалары мен ережелерін  бұзғаны үшін тек әкімшілік (ҚР ӘҚБтК-нің 383-бабы), сонымен қатар қылмыстық жауапкершілік (ҚР ҚК-нің 335-бабы) қарастырылған.