ШҚО балабақшасында тәрбиеші бүлдіршіндерге қол көтерді

Оқиға Өскемендегі «Арман» балабақшасында болған. Полиция тергеу жүргізуде.

Шығыс Қазақстан облысында балабақша тәрбиеленушісіне қатыгездік көрсету фактісі бақылау камерасынан видеоға түсірілді. Бейнежазбада мектепке дейінгі мекеме қызметкерінің баланы еденге қалай лақтырғаны көрсетілген.

Осы сәттің жазбасы әлеуметтік желілерде жарияланды.

Yk-news.kz порталы «Арман» балабақшасы тәрбиеленушілерінің ата-аналары балалар балабақшаға барудан бас тарта бастағаннан кейін бірдеңе болды деп күдіктенді деп хабарлайды. Ата-аналар бейнебақылау түсірілімдерін қарап, балабақша қызметкерінің тәрбиеленушілердің бірін ұстап, еденге лақтырғанын көрді. Бала жылап, қашпақшы болады.

Шығыс Қазақстан облысы әкімінің баспасөз қызметі бұл факт бойынша тергеу амалдары жүргізіліп жатқанын хабарлады.

— 3 наурызда Өскемен қаласындағы «Арман» балабақшасы тәрбиеленушілерінің бірінің ата-анасы Шығыс Қазақстан облысының білім бөліміне балабақша қызметкерлерінің Еркетай тобының оқытушысысына қол көтергеніне шағым түсірген. ҚР Қылмыстық кодексінің «Кәмелетке толмаған баланы тәрбиелеу жөніндегі міндеттерді» орындамау бойынша сараптамалар тағайындалды, делінген хабарламада.

Баспасөз қызметі балабақша директоры мен тәрбиеші қызметінен босатылғанын қоса айтты.

— ШҚО білім басқармасының басшылығы балабақшаның ата-аналарымен жиналыс өткізеді. Сонымен қатар, балалармен жұмыс жасауға қаланың ең жақсы психологтары тартылады. Мәселе облыстық бақылауда, деп хабарлады әкімдік.