ҰҚШҰ Бас хатшысы: Украинаға бітімгершілік күштерін енгізу «болжамды түрде мүмкін»  

Ұжымдық қауіпсіздік шарты ұйымының (ҰҚШҰ) бас хатшысы Станислав Зась Украинаға бітімгершілік күштерін енгізу  «болжамды түрде мүмкін» деді,  деп хабарлайды ТАСС.

«Болжамды түрде бұл мүмкін, бірақ ол Украинаның келісімін қажет етеді, өйткені бұл оның аумағы, БҰҰ Қауіпсіздік Кеңесінің мандаты бар, сонымен қатар бұл шешімді біздің барлық үкіметтеріміз қолдауы керек», - деп жауап берді  Зась осы тұрғыдан  өзіне қойылған сұраққа.

Ол Украинадағы жанжалды тек дипломатия тұрғысынан  шешуге болатынын, бірақ қазір жағдай қауіпті бағытта дамып келе жатқанын алға тартты.

«Мен танктер өз базасында, ал сарбаздар казармада болған жағдайдың енді қалпына келуіне сенбеймін. Енді келіссөз үстеліне отырып, бір мәмілеге келу керектігін түсінгеніміз жөн. Қазіргі шындық осы», - деді Зась.

Мәлімдеме Ресей ашық түрде қолдап отырған сепаратистер басып алған Украинаның шығыс аймағындағы Донбастағы қақтығыс жағдайының шиеленісуі аясында жасалды.

Айта кетейік, ресми түрде ҰҚШҰ күштерін қарулы қақтығыстарға қолдану тек оның қатысушыларының біріне, яғни Қазақстан, Ресей, Армения, Беларусь, Қырғызстан және Тәжікстанға қарсы сыртқы агрессия болған жағдайда ғана көзделеді.