ҰҚШҰ Бас хатшысы Қазақстандағы тәртіпсіздік қайталануы мүмкін бе деген сұраққа жауап берді

ҰҚШҰ бас хатшысы Станислав Зась Қазақстанда тәртіпсіздіктердің жаңа белең алуы мүмкін емес деп, жағдай бақылауда екеніне сенім білдірді.

«Мен қайтадан кек алуы не жаңадан көтеріліске шығуы мүмкін емес деп ойлаймын. Тіпті оған сенімдімін. Өйткені, біріншіден, жағдай бақылауға алынды. Екіншіден, үлкен жұмыс жүргізіліп жатыр. Сәйкесінше, Қазақстан Республикасы заңы аясында шаралар қабылданатын болады. Әрине, бұл жағдайдан әркім өзі үшін қорытынды жасады – тек қазақ халқы ғана емес, ел басшылығы да» деді ол RT арнасына берген сұхбатында.

Станислав Зась сондай-ақ Қазақстандағы ҰҚШҰ бітімгершілік күштерінің тапсырмаларын орындауына баға беріп, ұйым қызметін елеулі қайта құрылымдау қажет емес деген пікір білдірді.

«Әрине, бұл (ҰҚШҰ бітімгершілік күштерінің Қазақстандағы жағдайды реттеуге қатысуы) бәрімізге сабақ болды. Сәлден соң, біз бұл процесті түгел талдап, белгілі бір қорытындылар жасаймыз. Өзіміз үшін және қажет болса, кейбір түзетулер енгіземіз. Тағы бір мәселе, мен біздің қызметімізді елеулі түрде қайта құрылымдау қажет деп санамаймын. Өйткені бұл жүйе, біз ҰҚШҰ-да жасаған тетіктер қазір шынымен де жұмыс істеді және жақсы жұмыс істеді деуге болады» деді Зась.