Үш баласымен секірген әйелді ақтық сапарға шығарып салды

Түркістан облысы Қазығұрт ауданының Үлгілі ауылында Бақтыгүл Қыдырбаева мен оның үш баласын соңғы сапарға шығарып салып жатыр.

Күйеуінің үйіне журналистерді жақындатпайды. Туыстары үйдің маңын торауылдап, ешкімді жақындатқысы жоқ. Журналистерге «Біз өзімізге жауап бермейміз, ұра саламыз» деп сес көрсеткендер де болды...

Балалардың әкесі тұратын үйге көліктер көптеп жиналған. Көршілері мен туыстары көңіл айтуда

Жерлеу 11:00-де басталды. Әйел мен үш баланың денесі үйден шығарылды. Жылаған әйелдердің дауысы алыстан естіледі. Олар мәйіттерді көлікпен алып кетіп бара жатқанда да тоқтамай жылап жатты. Жақындары қандай да бір ақпарат беруден әзірге бас тартып отыр.