Сеулде адам нөпірінің астында қалып, жүздеген адам қаза тапты

Сеулдің танымал туристік аймағында Хэллоуинді тойлау кезінде 100-ден астам адам қайтыс болды.

Соңғы мәліметтер бойынша, Оңтүстік Корея астанасындағы Итаэвон ауданындағы көшеде болған мейрамнан кейінгі адам нөпірінен  151 адам қаза тапты. Құрбандардың арасында кем дегенде 19 шетелдік бар, ал олардың қай елдерден екені туралы нақты деректер жоқ. Қайтыс болғандардың көпшілігі 30-дан төмен жастағы адамдар.

Қайтыс болған шетелдік азаматтар арасында Иран, Өзбекстан, Қытай және Норвегиядан келгендер болған.

ТЖМ қызметкерлерінің айтуынша, қаза тапқандарды анықтау біраз уақыт алады.  Қаза тапқандар арасында 97 әйел мен 54 ер адам болған.

Сенбі күні  түстен кейін 100 000-ға жуық адам Хэллоуиннің алғашқы демалысын COVID-19 пандемиясы басталғаннан бері бетпердесіз және әлеуметтік шектеулерсіз атап өту үшін ойын-сауық ауданына жиналған.

Оңтүстік Корея президенті Юн Сок Ёл барлық мән-жай анықталғанша елде ұлттық аза тұту жариялады. Ол халық алдында сөз сөйлеп, қаза болғандардың жақындарына көңіл айтты.