Серік Жұманғариннің өтірігі ашылды

Салық реформасын жанқиярлықпен қорғаған экономика министрі Серік Жұманғарин өрескел қателік жіберді, деп хабарлайды Orda.kz

БАҚ өкілдері оның басқа елде ҚҚС-ның қалай төленетіні жайлы қате ақпарат бергенін білді. 

Сұхбат «Казахстанская правда» газетіне 21 ақпан күні шықты. Ал Exclusive.kz Серік Жұманғарин ақпараттан қателескенін жазды. 

«Есепке қою шегін 15 млн теңгеге дейін төмендету ұсынылады. Мұндай жағдайда табысы 15 млн теңгеге дейінгі кәсіпкерлердің 80 % - ы Микробизнес және шағын бизнес санатына жатады. Салыстырып қарасақ, Ресейде бұл шек 10 млн теңгені, Өзбекстанда — 30 млн, Қырғызстанда – 30 млн болады», – деді Жұманғарин.

Exclusive.kz журналистері бұл ақпаратты тексеріп, министрдің қателескенін жазды. Шын мәнінде Ресейде 2 млн рубльге (шамамен 11,5 млн теңге) дейін айналым болғанша салықтан босатылады. Бірақ бұл Қазақстан сияқты 1 жылда емес, әр 3 ай сайын ескеріледі.

Өзбекстанда ҚҚС шегі 30 млн теңге емес. Қазақстандық валютамен қайта есептегенде 38,7 млн теңге. Қырғызстанда ҚҚС төлемей-ақ жеңілдетілген салық салу жүйесі 8 млн сом, яғни шамамен 45,7 млн теңге. Сондықтан министр бір сөйлемде 3 рет қателескен.

Келесі күні Жұманғариннің қателескені белгілі болған кезде, ол материал «Казахстанская правда» сайтынан жоғалып кетті.  

«Кешке вице-премьердің сұхбаты біздің жарияланымнан кейін түзетілді», -  деп түсіндірді Еxclusive бас редакторы Қарлығаш Еженова өзінің Facebook парақшасында.