Серік Құсайынов Алматыдағы LRT құрылысы туралы айтты

Алматы әкімінің орынбасары Серік Құсайынов «Алматы агломерациясы бойынша көлік инфрақұрылымының жай-күйі мен даму перспективалары» тақырыбы бойынша өткен жиында қала мен оның маңайындағы LRT құрылысы туралы айтты.

Бюджеттен қаражат алатынын айтқан ол жоба бойынша астанадағы сценарий қайталанбау керек екенін жеткізді.

– Rail Jet компаниясы мен Талғар LRT құрылысы туралы көптеген сұрақ бар, өйткені олар өз қаражаты есебінен трамвай салуға уәде береді деу дұрыс емес. Олар бюджеттен қаражат талап етеді, бірақ ол кезде астанадағы сценарий қайталанбайтындай ашық түрде жүзеге асырылуы тиіс, - деді Қазақстандағы БҰҰ даму бағдарламасы «Алматының тұрақты көлігі» жобасының менеджері Елена Ерзакович.

– Астанадағы сценарий қайталанбайды. Қала әкімдігі қаражат бөлмейді, бұл - мемлекеттік-жекеменшік әріптестік. Жоба іске асырылғаннан кейін бюджеттен қаражат бөлінеді. Заңға сәйкес, барлық кәсіпорынға бөлінетін секілді субсидия бөлеміз, - деді Серік Құсайынов.

Бұған дейін Бақытжан Сағынтаев LRT құрылысы бюджетке 300 миллион долларға түсетінін айтқан болатын. Алматы әкімі соңғы пікірінде мұндай қымбат жобаны қала бюджеті тарта алмайтынын, республикалық бюджеттегі қаржы қазірдің өзінде метро құрылысына бағытталып жатқанын айтты.