Серік Сәпиев жаңа жұмыс орны туралы айтты

Спорт және дене шынықтыру істері комитетінің төрағасы қызметінен босатылған Серік Сәпиев Динара Сәтжанға берген эксклюзивті сұхбатында жаңа жұмыс орнын атады.

Бұл туралы Orda.kz хабарлайды.

«Ұлттық Олимпиада комитетінде жұмыс істеймін деп айта аламын», деді бокстан 2012 жылғы Олимпиада чемпионы. Ол комитетте қандай лауазымға ие болатынын нақты айтқан жоқ.

«Халықаралық олимпиада комитетінде жұмыс істегіңіз келе ме?» деген сұраққа Сапиев «ойлануға тұрарлық» деп жауап берді.

– Мен бұл туралы ойламадым. Бірақ жалпы алғанда, халықаралық ұйымда жұмыс істеу елдің мәртебесін, жұмыс істейтін адамның мәртебесін көтереді деп айтуға болады. Неге болмасқа, ойлану керек, - деді ол.

Сәпиев 2019 жылдың 30 қаңтарынан бастап ҚР Мәдениет және спорт министрлігі Спорт және дене шынықтыру комитетін басқарды.