Серік Сәпиев отставкаға кетуі туралы пікір білдірді

Серік Сәпиев мәдениет және спорт министрлігі спорт және дене шынықтыру істері комитеті төрағасы қызметінен босатылуына қатысты түсініктеме берді.

Бұл туралы Orda.kz хабарлады.

«Достар! Мен, Спорт және дене шынықтыру істері комитеті төрағасы қызметінен өз еркіммен кетуге шешім қабылдадым. Мен, осы қызметті атқарған жылдары, жанымда көмек еткен барша басшыларға және әріптестеріме алғысымды білдіремін! Алайда, еліміздің спорт саласында еңбек ететін боламын» деп жазды Сәпиев өзінің Instagram парақшасында.

Бұған дейін, мәдениет және спорт министрлігі спорт және дене шынықтыру істері комитетінің төрағасы Серік Сәпиевтің 2019 жылдың 30 қаңтарынан бастап қызметінен босатылғаны белгілі болды.