Серік Ермекбаев өмірден озды

Өмірінің жетпіс төртінші жылында президент әкімшілігі мен КСРО сыртқы барлау қызметінің бұрынғы қызметкері, бұрынғы қорғаныс министрі Нұрлан Ермекбаевтың ағасы – Серік Ермекбаев өмірден озды.

Бұл туралы Orda.kz хабарлады.

Ол 1948 жылы 23 мамырда белгілі педагог Байұзақ Ермекбаев пен жұбайы Сәбираның отбасында дүниеге келген.

Серік Ермекбаевтың балалық шағы мен жастық шағы Шымкентте өтті. ҰҚК Жоғары мектебін қызыл дипломмен бітіріп, КСРО сыртқы барлау қызметінің қызметкері болды.

Таяу Шығыста қызмет атқарды. Ол Иракта болған АҚШ-тың «Шөл дауыл» әскери операциясы кезінде ел мүдделесін қорғады. Содан кейін, Кувейт пен Тунисте жұмыс істеді.

Ермекбаевтың туыстары айтқандай, ол белгілі саясаткер Ясыр Арафатпен дос болды. Онымен бірге ауған тұтқынынан кеңес әскери қызметшілерін босату үшін көп күш жұмсады.

Ұзақ мерзімді шетелдік іс-сапардан оралғаннан кейін, беделді лауазымға орналасу және Мәскеуде қалуға ұсыныс келді. Оған қарамастан, Серік Ермекбаев пен отбасы Қазақстанда тұрып, еңбек етуге шешім қабылдады.

Ел басшылығының шақыруымен бірнеше жыл президент әкімшілігінде халықаралық бөлімді басқарды.

20 жылдан астам уақыт бойы ірі бизнес құрылымдарда, әлемге әйгілі компаниялардың өкілдіктерінде басшылық қызметтер атқарды. 2016 жылы құрметті демалысқа шыққаннан кейін Серік Байұзақұлы өзін отбасына арнады.