Сергей Шойгу келіссөздер бойынша Астанаға келді

Ресей қауіпсіздік кеңесінің басшысы Сергей Шойгу келіссөздер бойынша Астанаға келді, деп хабарлайды Orda.kz.

ТАСС-тың мәліметінше, келіссөздер барысында Ресей мен Қазақстан арасындағы екі жақты қатынасын, қауіпсіздік мәселелері мен Сириядағы жағдай талқылайды.

«Ресей Федерациясы мен Қазақстанның қауіпсіздік кеңестері аппараттарының екіжақты консультациялары, сондай-ақ Қазақстан қауіпсіздік кеңесінің хатшысы Ғизат Нұрдәулетовпен кездесу өтеді. Қос тарап әртүрлі салалардағы екіжақты қатынастар мәселелерін, халықаралық және өңірлік қауіпсіздіктің өзекті сын-қатерлерін, Орталық Азия өңіріндегі, сондай - ақ Сирия мен Ауғанстандағы жағдайды талқылайды», – деп мәлімдеді РФ Қауіпсіздік кеңесінің баспасөз қызметі.

Сондай-ақ, Шойгу Қасым-Жомарт Тоқаевпен де кездесуі мүмкін.