Сербия үкіметі отставкаға кетті

Сербияда премьер-министр мен үкімет отставкаға кетті, деп хабарлайды Orda.kz. 

Еске салайық, былтыр темір жол станциясының шатыры опырылып, 15 адам қаза болған. Кейін халық шатырдың құлауына құрылыс кезінде сыбайлас жемқорлық себеп болғанын айтып, сапасыз салынған деп топшылады. Сербия халқы билікті кінәлап наразылыққа шықты. Сербияда жаппай ереуіл басталды. Сол себепті Сербия үкіметі отставкаға кетіп, үкімет басшысы Милош Вучевич та қызметін босатты. 

Енді бір ай ішінде жаңа үкіметтің құрамы бекітілмек. Егер жаңа үкімет бекітілмесе, мемлекет басшысы парламентті таратады. 

Қайғылы оқиға былтыр 2 қараша күні болған. Елде «аза тұту күні» жарияланды. Темір жол станциясы 1964 жылы құрылған. 2021 жылы күрделі жөндеуден өткен. Сербия президенті айыптылардың бәрі жауапқа тартылатынын айтқан.