Сенатор: Назарбаевтың тапсырмасы орындалмады

Сенатор Ғұмар Дүйсембаев Атырау облысындағы балық өсіру зауыттарын жаңғырту және олардың қызметкерлерінің жалақысын көтеру қажеттігі туралы мәлімдеді.

Бұл туралы Orda.kz хабарлайды.

Сенатор кезінде Нұрсұлтан Назарбаев Атырау облысына жұмыс сапары барысында жаңа бекіре зауытының құрылысын қарап, жұмыс істеп тұрған екі зауытты жаңғырту туралы тапсырма бергенін мәлімдеді. Алайда мұның бәрі орындалмай қалды.

— Осы уақыт ішінде зауыттар материалдық-техникалық базаны қайта құруға және жаңартуға қаражат алған жоқ және ескірген жабдықтар мен тиімсіз технологияны қолданып жұмысын жалғастыруда, - деді сенатор.

Депутат сондай-ақ зауыттарды кадрлармен қамтамасыз ету және қызметкерлердің жалақысын көтеру мәселесіне назар аударды. Қазір қызметкерлердің орташа жасы шамамен 50 жасты құрайды, ал жұмысшылар аз жалақы алады.