Сенат «Жер» заң жобасын пысықтау үшін Мәжіліске қайтарды

Сенат Мәжіліске шетелдіктердің жерді сатуына және жалға алуына тыйым салатын заң жобасын қайтарды.

Толығырақ Orda.kz сайтында.

Құжат қандастарға, шетелдік азаматтарға, сондай-ақ өз компаниясында шетелдік қатысу үлесі бар заңды тұлғаларға жерді жалға беруге және сатуға тыйым салуды көздейді.

Қазір 74,4 мың гектар ауыл шаруашылығы жері шетелдік қатысуы бар жеті заңды тұлғаның жалдауында: Жамбыл, Павлодар, Атырау облыстарында бір – бірден кәсіпорын және Ақмола облысында төрт кәсіпорын орналасқан. Сондай-ақ, ШҚО мен Жамбыл облысында екі шетелдік компания жұмыс істейді. Жалдау мерзімі 2022 жылдан 2025 жылға дейін.

Ауыл шаруашылығы министрі Сапархан Омаров шетелдіктер мен шетелдік үлесі бар қазақстандық компаниялар жалға алған ауыл шаруашылығы жерлерінің мерзімдерін ұзарта алмайтынын және оларды пайдалану мерзімі аяқталғанға дейін ғана иелігінде болатынын атап өтті.

Қандастар жеке қосалқы шаруашылық, бағбандық және саяжай құрылысы үшін жер учаскесін ала алады. Бірақ ауыл шаруашылығы жерлерін олар Қазақстан азаматтығын алғаннан кейін ғана жалға ала алады.