Сенат жүргізушілерге көлік құжаттарынсыз жүруге рұқсат берді

Парламент Сенаты мүшелері екінші оқылымда жол қозғалысы туралы заңнамаға түзетулерді қарап, қабылдады.

Заң мемлекет басшысының тапсырмасы бойынша 2019 жылғы 20 желтоқсанда Қоғамдық сенім ұлттық кеңесінің отырысында қолданыстағы заңнамадан жүргізуші куәлігі мен көлік құралын тіркеу туралы (техникалық паспорт) құжаттарды алып жүруге міндеттейтін нормаларды алып тастау туралы берілген.

«Көлік құралдары жүргізушілері тек жеке куәліктерін алып жүре алатын ережелер бар. Полиция көлік иесі туралы барлық басқа ақпаратты планшет арқылы көреді. Ол үшін біздің полиция қызметкерлері қажетті мәліметтер базасымен және техникалық құралдармен қамтамасыз етілген», - деді сенатор Андрей Лукин.

Бұл түзетулер шетелдік нөмірлі автомобильдердің жүргізушілеріне немесе шетелдерде жүргізуші куәліктерін алғандарға қолданылмайды. Қазақстандық полиция шетелдік мәліметтер базасына қол жеткізе алмағандықтан, олар құжаттарын өздерімен бірге алып жүруге тиіс болады.

Заң сонымен қатар Қазақстанда 10 жыл қолданыста жүрген автобустарды алғашқы тіркеуге тыйым салатын норма енгізеді. Бұл норманы енгізу 2022 жылдың 1 қаңтарынан бастап қарастырылған.