Сенат төрағасының орынбасары тағайындалды

Парламент Сенаты спикерінің орынбасары қызметіне палата төрағасының ұсынуымен Ольга Перепечина тағайындалды.

– Сенат төрағасының орынбасарын сайлау - күн тәртібінің бірінші мәселесі. Конституциялық нормаларға сәйкес палата орынбасарының кандидатурасын Палата төрағасы ұсынады. Мен Ольга Перепечинаның кандидатурасын ұсынамын. Сіздер Ольга Валентиновнаны жақсы білесіздер, ол өз ісінің нағыз шебері, тәжірибелі сенатор, Солтүстік Қазақстан облысынан екі рет сенатор болып сайланды. Әрқашан табандылық танытып, мемлекет мүддесін бәрінен жоғары қоятын, - деді Мәулен Әшімбаев.