Сенат пен Мәжіліс депутаттары 1 қыркүйекте бірлескен отырыс өткізеді

1 қыркүйекте Нұр-Сұлтанда парламент палаталарының бірлескен отырысы өтеді.

Бұл туралы Orda.kz хабарлады.

Мәжіліс төрағасы Нұрлан Нығматулин парламент палаталарының бірлескен отырысын шақыру туралы бұйрыққа қол қойды.

30 маусымда ҚР Парламентінің депутаттары демалысқа кетті. Соңғы сессия барысында Парламент палаталарының үш бірлескен отырысы, Мәжілістің 23 жалпы отырысы және Сенаттың 21 жалпы отырысы өтті. Сессияның басында екі палатада 104 заң жобасы қаралды. Бүгінгі таңда 63 заң жобасы қабылданып, 58-не президент қол қойып, заң күшіне енді.