Сенат депутаттарын сайлаудың алдын ала қорытындысы шықты

20 депутаттық орынға 55 кандидат таласса, республика бойынша 3167 мәслихат депутаты сайлаушылар тізіміне енді.

ҚР Парламенті Сенаты депутаттарын сайлаудың алдын ала қорытындысы шығарылды. Ақпарат Қазақстан Республикасы Орталық сайлау комиссиясының ресми сайтында жарияланды.

Тура сағат 11:00-де Қазақстанның барлық аймақтарында сайлаушылар жиыны басталды. Бүгін, 2023 жылғы 14 қаңтарда еліміздің барлық облыстарында, сондай-ақ Астана, Алматы және Шымкент қалаларында Қазақстан Республикасы Парламенті Сенатының 20 депутаты сайланды. Бар болғаны 55 үміткер болды.

Қазақстан Республикасы Орталық сайлау комиссиясының мәліметінше, Парламент Сенатының депутаттарын жанама сайлау құқығы негізінде жасырын дауыс беру арқылы мәслихаттар депутаттарын Республика азаматтары сайлайды. Ондай 3167 адам бар.

Жиын басталғаннан  екі сағатқа жуық уақыттан кейін алғашқы алдын ала мәліметтер жарияланды.

Астанада Бибігүл Жексенбай 62,1% дауыс жинады;

Алматыда – Жанна Асанова (62,2% дауыс);

Шымкентте – Нұрлан Бекназаров (76,7% дауыс).;

Абай облысы бойынша – Қайрат Тастеев (82,4% дауыс);

Ақмола облысы бойынша – Талғат Жүнісов (90,9% дауыс);

Ақтөбе облысы бойынша – Амангелді Нұғманов (83,1% дауыс);

Алматы облысы бойынша – Жанболат Жөргенбаев (83,2% дауыс);

Атырау облысы бойынша – Әлібек Нәутиев (68,6% дауыс);

Батыс Қазақстан облысында – Арман Өтеғұлов (74,7% дауыс);

Жамбыл облысы бойынша – Сәкен Арубаев (89,3% дауыс);

Жетісу облысы бойынша – Амангелді Төлемісов (76,3% дауыс);

Қарағанды ​​облысы бойынша – Серік Өтешов (78,2% дауыс);

Қостанай облысы бойынша – Ғауез Нұрмұхамбетов (83,1% дауыс);

Қызылорда облысы бойынша – Руслан Рүстемов (67,4% дауыс);

Маңғыстау облысы бойынша – Бекбол Орынбасаров (72% дауыс);

Павлодар облысы бойынша – Ернұр Әйткенов (87,1% дауыс);

Солтүстік Қазақстан облысында – Гүлмира Кәрімова (80,4% дауыс);

Түркістан облысы бойынша – Мұрат Қадырбек (72,5% дауыс);

Ұлытау өңірі бойынша – Советбек Медебаев (61,7% дауыс);

Шығыс Қазақстан облысында – Шәкәрім Бұқтұғытов (86% дауыс).