Сенат депутаты Қадыровқа жауап қайтарды

Сенат депутаты Мұрат Бақтяирұлы «Қазақстанға тәуелсіздігін ойлау керек» деген Шешенстан басшысы Рамзан Қадыровқа жауап қайтарды.

Бұл туралы депутат журналист Нартай Аралбайұлына YouTube-арнасына берген сұхбатында айтты.

– Менің ойымша, Қадыров қадыры кеткен адамдардың бірі. Ол тікелей Путиннің немесе Ресей Федерациясының ақшасына ұстап отқан азаматтардың бірі. Оның беделі, оның ұстанымы... Оның жаулары өте көп. Мен бүны Қадыровтың сандырағы деп түсінемін. ҰҚШҰ-ны шақырған кезде асығыс жасадық

 Өйткені, Қазақстан өз күшімен осы мәселенің бәрін реттеуге болатын еді. Осы үйымсыз-ақ осы мәселені шешетін едік. Ұйым тек қана стратегиялық объектілерге көмегі тиді. 9 күннің ішінде шығып кетті. Олар оқ та атқан жоқ. Оның Қазақстанның басуына үлкен ықпалы болды деп... саясаткер ретінде, парламент мүшесі ретінде айта алмаймын.

Қадыровтың сандырақ сөзі. Қадыров талай әңгіме айтып жүр. Көптеген саясаткерлерге байланысты, басқаға байланысты... Сондай бір саясаткерлер болады өзі. Жириновский марқұм кетті... ол да бір әр нәрсені айтып кетті, – деді депутат.   

Еске салсақ, Шешенстан басшысы Рамзан Қадыров Ұжымдық Қауіпсіздік Шарты Ұйымы елдеріне бейне үндеу жасады.

Ол ҰҚШҰ құрамындағы елдерден Украинадағы оқиғаларға қатысты ұстанымын айтуды сұрады.

– Ресей Қазақстанды құтқарды. Армения мен Әзірбайжан арасында соғыс болған кезде Путин басты рөл атқарды. Қазақстан егемендігінен айырыла жаздаған кезде кім көмектесті? Ресей. Ешкімнен қорықпады.
Неліктен біздің ата-бабаларымызды өлтірген бандерлерге, ұлтшылдарға және фашистерге қарсы ұстанымдарың жоқ? – деді Қадыров Telegram арнасында жариялаған видеода.