Семейлік шенеунікке 2,9 млн теңге айыппұл салынды

Семей қаласының №2 сотында билік органдарындағы сыбайлас жемқорлыққа қатысты атышулы қылмыстық іс қаралды. Пара алған шенеунікке 2,9 млн теңге айыппұл салынды, деп хабарлайды Orda.kz.

Ауыл шаруашылығы бөлімінің басшысы міндетін атқарушы бес азаматтан мемлекеттік қызметтерді жедел рәсімдеу үшін пара алған.

Абай сотының мәліметіне қарасақ, пара сомасы 4 мыңнан 25 мың теңгеге дейін жетіп, жүргізуші куәліктерін ауыстыру және сұранысқа ие мемлекеттік тіркеу нөмірлерін беру қызметтерін қамтыған.

Сот айыпталушылардың кінәсін толықтай жүргізілген арнайы шаралар мен банк шоттарындағы жазбалар негізінде дәлелдеп шықты. Пара алған шенеунікке 2,9 млн теңге көлемінде айыппұл салынып, мемлекеттік қызметте лауазым атқару құқығынан өмір бойына айырылды. Пара берушілерге де 375 мың теңгеге дейінгі айыппұл салынып, олар да мемлекеттік қызметте лауазым атқару құқығынан айырылды.

Сот үкімі әлі заңды күшіне енген жоқ.