Семейде жүргізуші 2 адамды қағып кетті: 20 жастағы жігіт көз жұмды

Семейде жүргізуші екі адамды қағып кетіп, оқиға орнынан қашып кеткен. Жол апатынан 20 жастағы жас жігіт оқиға орнында көз жұмды. Ал оның серігі 16 жастағы бойжеткен ауыр жағдайда ауруханаға жеткізілді.

Yk-news.kz порталының хабарлауынша, оқиға 1 желтоқсан Қабанбай батыр мен Гете көшелерінің қиылысында орын алған.

Оқиға куәгерлерінің айтуынша, реттелмеген жаяу жүргіншілер өткелінде ерлі-зайыптыларды Land Rover көлігін жүргізген жүргізуші қағып кеткен. Қатты соққыдан кейін көлік иесі тоқтаусыз оқиға орнынан кетіп қалған.

Оқиға орнынан қашып кеткен жүргізушілерді іздестіру бөлімінің қызметкерлері қашқынның жеке басын анықтап үлгерді. Бірнеше сағаттан кейін ол ұсталып, қазір уақытша ұстау изоляторында отыр.

Адам өліміне әкелген жол-көлік оқиғасы бойынша сотқа дейінгі тергеу басталып, оның аясында бірқатар сараптамалар тағайындалды.